2009 жылдың желтоқсан айында «Материалы по истории Казахстана и Центральной Азии» материалдар жинағының І шығарылымы баспадан шығарылды. Құрастырушы: Ж. М. Тулибаева.
Археография және деректану ұлттық орталығының Л. Н. Гумилев атындағы ЕҰУ-нің Халықаралық және аймақтық зерттеулер орталығымен бірлесіп шығарған бұл еңбегі — «Материалы по истории Казахстана и Центральной Азии» сериялық басылымының І шығарылымы.
Археография және деректану ұлттық орталығының басшысы мен бір топ қызметкерлері 2009 жылдың 12-17 қазан аралығында Анкара қаласында өткен Түркия Республикасы Үкіметі жанындағы Түрік халықаралық ынтымақтастық және даму жөніндегі басқармасы (ТИКА) ұйымдастырған бағдарлама бойынша іссапарда болып қайтты.
Орталық басшылығы 2009 жылдың 1 маусымында Ұлттық мұрағатпен бірігіп Қазақстан Республикасына іссапармен келген Финляндия Республикасының тарихына қатысты құжаттарды микрофильмдеу жобасының басшысы профессор Дмитрий Фроловты қарсы алып, Орталықтың жұмыс барысымен таныстырды. Д. Фролов «дөңгелек үстелде» қызметкерлермен жүздесіп, өз жобасы жайында әңгімеледі.
2008 ж. 17 қазанда Орталық С.Сейфуллин атындағы Қазақ Аграрлық-техникалық университетінде өткен «Егемендік-елдігім, тәуелсіздік-тұғырым» атты конференция аясында Алаш өкіметінің 90 жылдығына арнап Орталық Мемлекеттік мұрағатынан алынған құжаттар көрмесін ұйымдастырды. Көрмеде Алаш зиялыларының өмірі мен шығармашылығымен таныстыратын құжаттар көрсетілген.
2006 жылдан бастап Археография және деректану ұлттық орталығында «Мәдени мұра» Мемлекеттік бағдарламасы аясында шет мемлекеттер мұрағаттары мен ғылыми мекемелерінен Қазақстан тарихына қатысты анықталған құжаттар енгізілген «Электронды мұрағат» автоматтандырылған ақпараттық жүйесі қызмет етеді
